Forums
  

  
 

  
أهلا وسهلا بك إلى منتديات حلبجةنت.
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
 

الرئيسيةالبوابةمكتبة الصورس .و .جبحـثالتسجيلدخول
أختر لغة المنتدى من هنا

ئایا ئیسلام بە زەبر و زۆری شیرو تیر بڵاو بۆتەوە؟!!

  
 
شاطر
 
  
2011-10-05, 07:03
رسالة
بيانات كاتب الموضوع
ئایا ئیسلام بە زەبر و زۆری شیرو تیر بڵاو بۆتەوە؟!!
المعلومات
الكاتب:
اللقب:
...::|مدير العام|::...
الرتبه:
...::|مدير العام|::...
الصورة الرمزية
 

البيانات
عدد المساهمات : 6825
تاريخ التسجيل : 23/07/2010
 
 

 

التوقيت

الإتصالات
الحالة:
وسائل الإتصال:


لتواصل معنا عبر
الفيس بوك:
تويتر:
مُساهمةموضوع: ئایا ئیسلام بە زەبر و زۆری شیرو تیر بڵاو بۆتەوە؟!!    







الحمد لله رب العالمين والصلاة والسلام على نبينا محمد وعلى آله وصحبه أجمعين، ومن تبعهم بإحسان الى يوم الدين، وبعد:
هەر لەو ڕۆژەوەی كە خوای گەورە سروشی بۆ پێغەمبەرە مەزنەكەی محمد (صلى الله
عليه وسلم) ناردو ئایینی پیرۆزی ئیسلامی وەكو دیاری رزگاركەر بۆ گرۆی
ئادەمیزاد ناردو هەموو ئایینەكانی تری پێ‌ پوچەڵ ‌و بەتاڵ كردەوەو
ڕایگەیاند كە تەنها ئایینی پێ‌ ڕازی بوو وراست ودروست بریتی یە لە ئیسلام،
دوژمنانی خوا لە هاوبەش بڕیاردەران ‌و دووڕووەكان ‌و جولەكە‌و گاورەكان ‌و
كلكەكانیان كەوتنە دژایەتی كردنی ئەم دیاری یە خوایی یە و پیلان دانان دژی
‌و پڕو پاگەندە كردن ‌و درۆ هەڵبەستن بۆی، تا ناشیرینی بكەن لە پێش چاوی
خەڵكی ‌و رەونەق و ڕووناكی ‌ودرەوشاوەیی یەكەی داپۆشن ‌و نەهێڵن بگاتە
خەڵكی، بۆ ئەم مەبەستە جۆرەها ڕێگاو هۆكار و شێوازیان گرتەبەر، یەكێك لەو
هۆكارە شەیتانیانەیان بریتی بوو لەوەی كە بە شوێن كەوتوانی خۆیان دەوت: [آَمِنُوا بِالَّذِي أُنْزِلَ عَلَى الَّذِينَ آَمَنُوا وَجْهَ النَّهَارِ وَاكْفُرُوا آَخِرَهُ لَعَلَّهُمْ يَرْجِعُونَ] (آل عمران: 72).
واتە: بە بەیانیان باوەڕ بهێنن بەو قورئانەی كە بۆ موسڵمانان دابەزیووە و
لە ئێوارەدا پەشیمان ببنەوە لێ‌ ی وپاشگەز ببنەوە بەڵكو موسڵمانانیش لەگەڵ
ئێوەدا پاشگەز ببنەوە لێی.
هەروەها شەیتان بەردەوام شەڕو خراپەكاری بۆ دەڕازاندنەوە بۆ ئەوەی
خراپەكاری ‌و مشت ‌و مڕ‌و دەمەقاڵێ‌ ی پێ‌ بكەن لەگەڵ موسڵماناندا:
[وَإِنَّ الشَّيَاطِينَ لَيُوحُونَ إِلَى أَوْلِيَائِهِمْ لِيُجَادِلُوكُمْ] (الأنعام: 121).
ئەوانیش جۆرەها پرسیاریان ئاراستەی پێغەمبەر(صلى الله عليه وسلم) دەكرد بۆ
گومان دروست كردن بۆ موسڵمانان ‌و توشی دوو دڵی كردنیان، وەكو پرسیار
كردنیان دەربارەی: (هاوەڵانی ئەشكەوت، ذوالقرنین، و روح ویەكەم خواردنی
ئەهلی بەهەشت و....) بەڵام تاكو سروش بەردەوام بوو خوای گەورە وەڵامی هەموو
جۆرە پرسیار وگومانەكانیانی دەدایەوە: [وَلَا يَأْتُونَكَ بِمَثَلٍ إِلَّا جِئْنَاكَ بِالْحَقِّ وَأَحْسَنَ تَفْسِيرًا] (الفرقان: 33).
واتە: هاوبەش بڕیاردەران هیچ نمونەو پێشنیار وگومانێكت بۆ ناهێننەوە ئیلا
ئێمە وەڵامێكی راست ودروست وحەقێكی جێگیر وباشترین روون كردنەوەت بۆ دێنین
كە گومانەكانی ئەوان بەتەواوی بڕەوێنێتەوە.
وە یەكێك لەو گومانانەی كە لە كۆن ‌و تازەدا وەكو توتی دەیڵێنەوە بە بێ‌
بیر لێ‌ كردنەوەو گەڕانەوە بۆ مێژوو بریتی یە لەو گومانەی كە دەڵێن: ئیسلام
بە زەبرو زۆری شمشێر بڵاوبۆتەوە نەك بەویست ‌و خواستی خەڵكی خۆیان!!!.
ئێمەش لێرەدا بەم زایناری یە كەمەی كە هەمانە وەڵامی ئەم گومانە فێڵاوی یەیان دەدەینەوە بە چەند خاڵێك:
[یەكەم:]
چەندەها دەق هەیە كە ڕوون ‌و ئاشكران بە ڕاشكاوی خوای گەورە باسی ئەوە
دەكات خەڵكی بە زۆر ناكرێن بە موسڵمان ‌و ئازادن كە لەسەر دینی خۆیان
دەمێننەوە، یاخود بە ویست ‌وڕەزامەندی خۆیان موسڵمان دەبن ‌و دێنە ناو دینی
ئیسلامەوە وەكو دەفەرمێت:
[لَا إِكْرَاهَ فِي الدِّينِ قَدْ تَبَيَّنَ الرُّشْدُ مِنَ الْغَيِّ] (البقرة: 256).
واتە: زۆر لێ‌ كردن لە دیندا نی یە، وكەس بەزۆر ناكرێت بە موسڵمان، ورێگای راست وباوەڕ جیاكراوەتەوە لە رێگای خراپ وكوفر.
وەدەفەرمێت: [وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ] (الكهف: 29).
واتە: ئەو ئایینە حەقەی كە لە پەروەردگارتانەوە بۆتان هاتووە بە خەڵكی
رابگەیەنن، جا هەركەس ویستی لێ‌ یە با باوەڕ بهێنێت وموسڵمان بێت،
وەهەركەسیش وویستی لێ‌ یە با كافر بێت، چونكە تەنها زیان بەخۆی دەگەیەنێت.
وەدەفەرمێت: [وَهَدَيْنَاهُ النَّجْدَيْنِ] (البلد: 10).
واتە: ئێمە رێگای راست ورێگای خراپمان بۆ مرۆڤـ روون كردۆتەوە وهەردوو رێگاكەمان پێ‌ ناساندووە.
وەدەفەرمێت: [إِنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا] (الإنسان: 3).
واتە: ئێمە رێگای راست ورێگای خراپمان بۆ مرۆڤـ روون كردۆتەوە وهەردوو
رێگاكەمان پێ‌ ناساندووە، جا یان ئەوەتا سوپاسگوزار دەبێت وموسڵمان دەبێت،
یاخود كافرو بێ‌ باوەڕ دەبێت.
[دووەم:]
لەسەرەتای هاتنی ئیسلام موسڵمانان زۆر لاواز‌و بێ‌ دەسەڵات بوون
‌ودەچەوسێنرانەوەو ئازار دەدران ‌و دەردەكران ‌و ئابڵوقەی ئابوری وڕامیاری
‌و كۆمەڵایەتی دەخرایە سەریان لە لایەن بێ‌ باوەڕانەوە بۆ ئەوەی خەڵكی
موسڵمان نەبن، بەڵام لەم بارە سەخت ‌و دژوار و ناهەموارەدا خەڵكی بەویستی
خۆیان موسڵمان دەبوون ‌وباوەشیان بە ئیسلامدا دەكردو خۆیان توشی ئازار
وئەشكەنجەی بێ‌ باوەڕان دەكرد لە خۆشەویستی ئیسلامدا، لێرەدا بۆمان
دەردەكەویت كە ئیسلام بە زەبرو زۆری شمشێر بڵاو نەبۆتەوە بەڵكو كافران
هەموو زوڵم ‌و ستەمێكیان دژی موسڵمانان بەكار دەهێنا، بەڵام خوای گەورە
ڕێگای بە موسڵمانان نادا كە دەستیان لێ‌ بكەنەوە، بەڵكو فەرمانی پێ‌ دەكردن
بە ئارام گرتن ‌ونوێژ كردن ‌و خوا پەرستی:
[ أَلَمْ تَرَ إِلَى الَّذِينَ قِيلَ لَهُمْ كُفُّوا أَيْدِيَكُمْ وَأَقِيمُوا الصَّلَاةَ وَآَتُوا الزَّكَاةَ] (النساء: 77).
واتە: ئایا تەماشای ئەو كەسانە ناكەیت كە لەمەككەدا پێیان ووترا دەستتان
بگرنەوە لە كوشتار وكوشتاری بێ‌ باوەڕان مەكەن، بەڵكو تەنها نوێژ بكەن
وزەكات بدەن.
كەواتە زەبرو زۆری شیرو تیرو تۆقاندن پیشەی بێ‌ باوەڕانە نەك موسڵمانان، بەڵام ئەوان دەستی چەوری خۆیان بەسەر موسڵماناندا دەساون:
(رمتني بدائها وانسلت).
[سێ‌یەم:]
پێغەمبەری خوا (صلى الله عليه وسلم) موعازی كوڕی جەبەلی (رضي الله عنه)
نارد بۆ یەمەن بۆ ئەوەی بانگەوازی خەڵكەكەی بكات بۆ ئیسلام ‌و ئیسلامیان بۆ
ڕوون بكاتەوە، كە خەڵكی یەمەن زۆربەیان جولەكەو گاور بوون، وە لە ماوەیەكی
كەمدا خەڵكی یەمەن موسڵمان بوون ‌و هاتنە ناو ئیسلامەوە.
لێرەدا جێ‌ی خۆیەتی كە پرسیارێك ئاڕاستەی ئەو كەسانە بكەین كە ئەم جۆرە
گومانە بڵاودەكەنەوە ئایا تەنها یەك كەس یان دوو كەس (جارێكی تر ابو موسای
ئەشعەری (رضي الله عنه) لەگەڵ نارد) دەتوانن ووڵاتێك بە زۆر بكەن بە
موسوڵمان؟! بێگومان هەموو مرۆڤێكی ژیر ڕاستەوخۆ وەڵام دەداتەوە بە نەخێر،
چونكە تەنها یەك كەس یان دووكەس توانای ڕووبەڕوو بوونەوەی دێ‌ یەكیان نی یە
چ جای شارێك چ جای ووڵاتێك، لێرەدا ئەو گومانە پوچەڵ دەبێتەوەو دەدرێتەوە
بەسەر بێژەرەكانیاندا‌و دەردەكەوێت كە خەڵكی بە ویستی خۆیان موسڵمان بوونە.
بەهەمان شێوە خەڵكی مەدینە لەسەر دەستی موصعەبی كوڕی عومەیر (رضي الله عنه)
موسڵمان بوونە، هەروەها هۆزی(غفار) لەسەر دەستی أبو زەڕی غەفاری (رضي الله
عنه) موسڵمان بوونە، وەبەهەمان شێوە زۆر شارو ووڵات ‌وهۆز وعەشیرەت لەسەر
دەستی تەنها یەك كەس موسڵمان بوونە هەر كە ئیسلامیان پێ‌ گەیشتووە بە سۆزو
خۆشەویستی یەوە باوەشیان پیا كردووە وموسڵمان بوونە.
[چوارەم:] خوای گەورە جیهادی تەشریع كردووە لەبەر دوو مەبەستی سەرەكی:
1- بۆ بەرگری كردن لە ئیسلام ‌و لە موسڵمانان كە ئەمەش مافێكی ئاسایی یەو
كە هەموو ئایین ومەزهەب ومیللەتان كۆن ‌و یەكدەنگن لەسەر دروستێتی.
2- بۆ بڵاو بوونەوەی ئایینی پیرۆزی ئیسلام ‌و گەیاندنی بانگەوازی حەقی خوای
گەورە بە بەندەكانی‌و جێگیر كردنی دادپەروەری لە نێوان خەڵكیدا و شكاندن
‌و لابردنی ئەو بەربەستانەی كە نایەڵن بانگەوازی یەكخواپەرستی بگات بە
گەلان ‌و دەیانچەوسێننەوە وبۆ بەرژەوەندی خۆیان بەكاریان دێنن و نایەڵن ئەو
ڕووناكی ‌و نوورەیان پێ بگات، چونكە دەزانن خەڵكی ژێر دەستیان چەند تینوی
ئازادی ‌وسەربەستین ‌ودژی كۆیلایەتی ‌وچەوساندنەوەن ‌وهەر ئەو بانگەوازە
پاكەیان پێ‌ بگات یەكسەر بە پیریەوە دەچن ‌و وەڵامی دەدەنەوەو پێشوازی لێ‌
دەكەن، بۆیە نایانەوێت بانگەوازی ئیسلام بێتە ناو گەلانیانەوە، بۆیە ئیسلام
ناچارترین ڕێگا دەگرێتە بەر بۆ لەناو بردنی ئەو چەوسێنەرە ستەم كارە
هەلپەرستە تاریك وویستانە، چونكە ئیسلام بۆ بڵاوبوونەوەی بەرنامە خوایی
یەكەی یەكێك لەم سێ‌ هەڵبژاردنانە دەخاتە ڕوو:
1- یان ئەوەتا ئەو حكومەتە چەوسێنەرانە موسڵمان دەبن ودێنە ناو ئیسلامەوە،
ئەو كاتە كێشەكە كۆتایی پێ‌ دێت ‌وبانگەوازی ئیسلام بەسەربەستی وئازادی
بڵاودەبێتەوە لەناو خەڵكیدا.
2- یاخود سەرانە (جزیە) بدەن بە موسڵمان، كە ئەمەش وا دەخوازێت كە ڕێگا بە
بانگەواز كردن بۆ ئیسلام بدەن لە ناو میللەتەكانیان، كە ئەم سەرانەیە لە
بری ئەوەیە كە ئیسلام وڵاتەكەیان دەپارێزێت لە هێرشی دەرەكی، وەهەموو جۆرە
مافێكیان پارێزراو دەبێت، وەخەڵكی ئازادن لەوەی كە موسڵمان دەبن یان نا.
3- یاخود چارەسەری ناچارو پێویست كە ئەویش كوشتار كردنە لەگەڵ ئەو
كاربەدەستە ستەمكارە بێ‌ باوەڕانە، كەمەبەست پێی سەربەستی بانگەواز كردنە
بۆ ئیسلام ‌وجێگیر كردنی دادپەروەری لە نێوان خەڵكیدا.
كاتێك كە نوێنەری موسڵمانان لە شەڕی قادسیە(ربعی كوڕی عامر) لە لایەن
گەورەی فارسەكانەوە پرسیاری لێ‌ كرا ئێوە بۆچی هاتوون ‌وچیتان دەوێت؟ ئەویش
لەوەڵامدا پێی ووتن: [جئنا لنخرج العباد من عبادة العباد الى عبادة رب العباد، ومن جور الأديان الى عدل الإسلام، ومن ضيق الدنيا الى سعة الدنيا والآخرة]
واتە: بۆ ئەوە هاتووین تا خەڵكی دەركەین لە پەرستنی بەندە بۆ پەرستنی
پەروەردگاری بەندەكان، وە لەستەمی دینەكانی تر بۆ دادپەروەری ئیسلام، وەلە
تەسكی دونیا بۆ فراوانی دونیاو قیامەت.
[پێنجەم:]
جیهاد كردن بەمەبەستی بانگەواز كردن بۆ ئایینی پیرۆزی ئیسلام ‌وگەیاندنی
ئایینی خوای گەورە بەخەڵكی تەنها دژی كاربەدەستە بێ‌ باوەڕە ستەمكارەكان
بووە نەك دژی میللەتان، وە كاربەدەستان بە زەبرو زۆر خەڵكیان ڕووبەڕووی
ئیسلام كردۆتەوە بە بەڵگەی ئەوەی خەڵكی كە هەر بانگەوازیان پێ‌ گەیشتووە
یەكسەر موسڵمان بوونە ‌و وەڵامیان داوەتەوە، بۆ نمونە كە فارسەكان لە شەڕی
قادسیە شكان خەڵكەكە زۆر بە پەرۆشەوە بوون بۆ ئیسلام ‌وبە وویستی خۆیان
موسڵمان بوون ‌وڕزگاریان بوو لەدەسەڵاتی كاربەدەستانی خۆیان كە باج ‌و
خەراجێكی زۆریان خستبوە سەر خەڵكەكە وخەڵكیان دەچەوساندەوە.
[شەشەم:]
جیهاد كردن بەمەبەستی بڵاو بوونەوەی دینی خوای گەورە تەنها لە ئیسلامدا
تەشریع نەكراوە بەڵكو لە دینەكانی تری وەكو یەهودیەت ‌و نەسرانیەت تەشریع
كراوە وئەوانیش پێی هەستاون، خوای گەورە دەفەرمێت:
[إِنَّ
اللَّهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ
بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللَّهِ فَيَقْتُلُونَ
وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالْإِنْجِيلِ
وَالْقُرْآَنِ]
(التوبة: 111).
واتە: خوای گەورە نەفس وماڵی موسڵمانانی كڕیوە بەوەی كە بەهەشتیان پێ‌
دەدات، كوشتار دەكەن لە پێناوی خوای گەورەدا وبێ‌ باوەڕان دەكوژن ‌و
ئەوانیش ئەمان دەكوژن، ئەمە پەیمانێكە خوای گەورە داوێتی لە تەورات
‌وئینجیل ‌وقورئان.
وە دەفەرمێت: [يَا
قَوْمِ ادْخُلُوا الْأَرْضَ الْمُقَدَّسَةَ الَّتِي كَتَبَ اللَّهُ لَكُمْ
وَلَا تَرْتَدُّوا عَلَى أَدْبَارِكُمْ فَتَنْقَلِبُوا خَاسِرِينَ قَالُوا
يَا مُوسَى إِنَّ فِيهَا قَوْمًا جَبَّارِينَ وَإِنَّا لَنْ نَدْخُلَهَا
حَتَّى يَخْرُجُوا مِنْهَا فَإِنْ يَخْرُجُوا مِنْهَا فَإِنَّا دَاخِلُونَ
قَالَ رَجُلَانِ مِنَ الَّذِينَ يَخَافُونَ أَنْعَمَ اللَّهُ عَلَيْهِمَا
ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ
غَالِبُونَ وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ
قَالُوا يَا مُوسَى إِنَّا لَنْ نَدْخُلَهَا أَبَدًا مَا دَامُوا فِيهَا
فَاذْهَبْ أَنْتَ وَرَبُّكَ فَقَاتِلَا إِنَّا هَاهُنَا قَاعِدُونَ]
(المائدة: 21-24).
واتە: موسی(صلى الله عليه وسلم) بە بەنو ئیسرائیلی فەرموو: بچنە ئەو زەویە
پیرۆزەوە كە خوای گەورە بۆتانی نوسیوە، وەپاشگەز مەبنەوەو هەڵمەگەڕێنەوە
چونكە دوایی زەرەر مەند دەبن، ئەوانیش ووتیان ئەی موسا(صلى الله عليه وسلم)
خەڵكانێكی زاڵ وبەتواناو بەدەسەڵاتی تێدایەو ئێمەش ناچینە ژوورەوە تا
ئەوان لێی دەرنەچن، هەر كە ئەوان دەرچن ئەوا ئێمە دەچینە ژوورەوە......
ووتیان ئەی موسا هەتا ئەوانی لێ بن ئێمە ناچینە ژوورەوە تۆ خۆت ‌و
پەروەردگارت بڕۆن كوشتار بكەن ئێمە لێرە دادەنشین(لەترسنۆكی وبێ‌ غیرەتیدا
نەچونە ژوورەوە وئەم قسەیەیان كرد وكوشتاریان نەكرد).
لەم ئایەتە پیرۆزانەوە بۆمان دەردەكەوێت كە ئایینەكانی تریش هەستاون بە
جیهاد كردن لە پێناوی خوای گەورەدا و تەنها ئیسلام نەبووە، وەلە تەوراتدا
هاتووە كە: (خوای گەورە فەرمان بە پێغەمبەر موسی(صلى الله عليه وسلم) دەكات
كە جەنگ بەرپا بكات دژی چەند نەتەوەیەك كە جگە لە خوای گەورە دەپەرستن، وە
هەموو وێنەكانیان بسڕێتەوە، وە هەموو بتەكانیان بشكێنێت)((سفر العدد،
الإصحاح الثالث والثلاثون، الآيات: 50-53)).
وە بەهەمان شێوە لە ئینجیلدا لەسەر زمانی پێغەمبەر عیسی(صلى الله عليه
وسلم) هاتووە كە دەفەرمێت: (لا تظنوا أني جئت لأرسى سلاماً على الأرض، ما
جئت لأرسى سلاماً بل سيفاً) (إنجيل متى، الإصحاح العاشر، آية: 34-36).
واتە: وا گومان نەبەن كە من بۆ ئەوە هاتووم ئاشتی بڵاوبكەمەوە لەسەر
زەویدا، بۆ ئەوە نەهاتووم ئاشتی بڵاوبكەمەوە بەڵكو شمشێر بڵاوبكەمەوە.
ئەم دوو دەقەی تەورات وئینجیلیش دیسان ئەوە دەردەخەن كە ئایینەكانی تریش
جیهاد كردنیان تێدا بووە لە پێناوی خوای گەورەدا -هەرچەندە ئێستا بەتاڵ
بونەتەوە ودروست نی یە كاریان پێ‌ بكرێت بەڵام نابینین كەس رەخنە لە
ئایینەكانی تر بگرێت وتەنها رووی رەخنە گرتنیان ئاراستەی ئیسلام دەكەن كە
ئەمەش رق وكینی سەختیان دەردەخات بەرامبەر بە ئیسلام!!
[حەوتەم:]
وەكو ووتمان جیهاد كردنی ئیسلام حەق ‌ودروست بووە، چونكە بۆ ڕزگار كردنی
گەلان بووە، بەڵام لەگەڵ ئەمەشدا چەند قەید وبەستەرەوە ومەرجی بۆ دانراوە،
وەكو نەكوشتنی ئافرەت ‌و پیرو منداڵ ‌وكەم ئەندام ‌و ئەوانەی كە شەڕیان
نەكردووە وپیاوانی ئایینی، تەنانەت كە پێغەمبەر (صلى الله عليه وسلم) كە
سوپایەكی ناردووە ئامۆژگاری كردوون بە سەرنەبڕینی ئاژەڵ ‌ونەبڕینەوەی دارو
نەڕوخاندنی خانوو، بەڵكە تەنها كوشتاری ئەو جەنگاوەرانە كراوە كە بەربەست
بوونە لە ڕێی گەیاندنی بانگەواز بە خەڵكی.
كە ئەمیش سۆز وبەزەیی موسڵمانانمان بۆ دەردەخات بە پێچەوانەی كافران و بێ‌
باوەڕان كە دەستیان لەكەس نەپاراستوە وناپارێزن وهەموو هۆكارێك بەكاردەهێنن
بۆ گەیشتن بە ئامانجەكانیان.
پێغەمبەر (صلى الله عليه وسلم) دەفەرمێت: (لا تغلوا ولا تغدروا ولا تمثلوا ولا تقتلوا وليدا) (صحيح الجامع الصغير: 1078).
واتە: لەو غەنیمەتەی كە دەستتان دەكەوێت هیچی بۆ خۆتان لێ‌ هەڵمەگرن، وە لە
كاتی جەنگدا غەدرو ستەم لە دوژمنانتان مەكەن، وەلاشەی كوژراوەكانیان
مەشێوێنن (وەكو ئەوەی كە لوت وگوێ‌ یان ببڕن)، وە منداڵ مەكوژن.
وە:(نهى عن قتل النساء والصبيان) (رواه الجماعة إلا النسائي، وانظر: إرواء الغليل، رقم: 1210).
واتە: پێغەمبەر (صلى الله عليه وسلم) قەدەغەی كوشتنی ئافرەت ومنداڵی كردووە.
(غوستاف لوبون)ی ڕۆژهەڵات ناس دەربارەی فەتحی موسڵمانان دەڵێت: (مێژوو هیچ
كات ڕزگار كەرێكی وەكو موسڵمانانی بەڕەحم ‌و سۆزی بە خۆیەوە نەبینیوە).
هەر بۆیە كاتێك موسڵمانان لە جەنگێكدا بشكانایە وشوێنێكیان بەجێ‌ بهێشتایە
خەڵكی نا موسڵمانیش ئاخی بۆ هەڵدەكێشان، چونكە دەیانزانی كەس لە موسڵمانان
بە ڕەحم وبەزەیی تر نی یە ‌و نەبووە ونابێت لەگەڵیاندا تەنانەت هاودینەكانی
خۆیانیش، هەروەكو چۆن ئەدیبی فەڕەنسی گەورە(اناتول فرانس) بە خەفەتەوە
دەڵێت: (خۆزگە شارل مارتل دەستی ببڕایەتەوە بەڵام سەرنەكەوتایە بەسەر
سەركردەی موسڵمانان (عبدالرحمن الغافقی)، چونكە سەركەوتنی بە سەریدا ئەم
شارەی چەند سەدەیەك بەرەو دواوە برد).چونكە موسڵمانان هەر شوێنێكیان ڕزگار
دەكرد گرنگیان پێ‌ دەدا و ئاوەدانیان دەكردەوە، و وەكو داگیر كەران
نەدەچوون ئەو ووڵاتە بڕوتێننەوە و هەموو خێرو بەرهەم وسامانێكی بۆ خۆیان
ببەن، بەڵگەش لەسەر ئەمە دورگەی عەرەب بەگشتی وهەردوو شاری مەككە ومەدینە
بە تایبەتی كە فەتحی موسڵمانان لەوێوە دەستی پێ‌ كرد دەبینین لە زۆربەی
ووڵاتانی ئیسلامی هەژارو نەدار تر بوون وشێوازی دەوڵەمەندی ‌وبیناسازی
وخۆشگوزەرانی یان پێوە دیار نەبوو تا كەمێك پێش نیوەی سەدەی بیستەم
‌ودەركەوتنی نەوت، كە ئەمە بووە هۆی ئەوەی كە لە بواری بیناسازی ‌و
پێشكەوتنەوە پەرە بسەنێت وخەڵكی ئەم ناوچەیە گوزەرانیان باش بێت، بەڵام بە
ئاشكرا ووڵاتە ئازاد كراوەكان شارستانی ئیسلامیان پێوە دیار بووە وەكو شام
‌وعیراق ‌وتوركیا ‌ومیسر ‌وئەندەلوس ‌و ئێران.....هتد.
بەڵام ووڵاتە داگیر كەرەكان كاتێك شوێنێكیان داگیر دەكرد هەموو خێرو بێرێكی
ئەو شوێنەیان بۆ خۆیان دبرد و بە هەژاری ونەداری دەیانهێشتەوە، زەق ترین
وتازەترین نمونە كە خۆمان تێیدا دەژین ووڵاتە یەكگرتووەكانی ئەمریكا كە
عێراقی داگیر كردووە هەموو خێرێكی عێراق بۆ خۆی دەبات، بە تایبەتی نەوت كە
عێراق لە سەر دەریایەك لە نەوتە بەڵام خەڵكی زۆر بە زەحمەت تا تەنها 100
لیتر نەوتیان دەست دەكەوێت.
تەنانەت ئیسلام كە زەكاتیشی فەرز كردووە لە سەر دەوڵەمەندەكان ئەوە نی یە
ئەو زەكاتە بۆ مەككەو مەدینە بگەڕێتەوە بەڵكو دابەش دەكرێت بەسەر هەژارو
نەداری ئەو شوێنە خۆیان، ‌و هەتا هەژارانی ئەو شوێنە هەبن دروست نی یە
بدرێت بە هەژارانی شوێنەكانی تر، بەڵگەش لەسەر ئەم شتە كاتێك پێغەمبەر(صلى
الله عليه وسلم) موعازی كوڕی جەبەلی (رضي الله عنه) نارد بۆ یەمەن پێی
فەرموو: (إنك تأتي قوما أهل كتاب فادعهم إلى شهادة أن لا إله إلا الله وأني
رسول الله، فإن هم أطاعوك لذلك فأعلمهم أن الله افترض عليهم خمس صلوات في
كل يوم وليلة، فإن هم أطاعوك لذلك فأعلمهم أن الله افترض عليهم صدقة في
أموالهم تؤخذ من أغنيائهم وترد في فقرائهم، فإن هم أطاعوك لذلك فإياك
وكرائم أموالهم، واتق دعوة المظلوم فإنها ليس بينها وبين الله حجاب) (رواه
أبو داود، وصححه الشيخ الألباني في صحيح سنن ابو داود، رقم: 1584).
واتە: ئەی موعاز(رضي الله عنه) تۆ دەچیت بۆ ناو گەلێك كە گاورو جولەكەن، با
یەكەم شت كە بانگیان دەكەیت بۆی بریتی بێت لە: لا إله إلا الله محمد رسول
الله، ئەگەر گوێڕایەڵیتیان كرد ئەوا فێریان بكە خوای گەورە لە شەوو ڕۆژێكدا
پێنج نوێژی لەسەریان فەرز كردووە، ئەگەر گوێڕایەڵیتیان كرد ئەوا فێریان
بكە خوای گەورە زەكاتی لەسەریان فەرز كردووە لە دەوڵەمەندەكانیان
وەردەگیرێت‌و دەدرێتەوە بە هەژارەكانی خۆیان، ئەگەر گوێڕایەڵیتیان كرد ئەوا
نەكەی ماڵە باشەكەیان وەربگریت بۆ زەكات، چونكە ئەمە ستەمە، وە خۆت
بپارێزە لەوەی ستەم بكەیت چونكە ستەم لێكراو پەردە لە نێوان ئەو وخوای
گەورەدا نی یە‌و دوعاكەی وەرگیراوە وڕەت ناكرێتەوە.
[هەشتەم] :
ووتمان ئیسلام فەتحی هەر شوێن‌و ووڵاتێكی كردبێت ئەوا خەڵكەكەی زۆر
بەزوویی‌و بێ‌ بەرەنگاری زۆر بە خۆشحاڵی یەوە موسڵمان بوونە، چونكە بە
عەمەلی بینیویانە كە ئیسلام لە زوڵم‌و ستەمی كاربەدەستە بێ‌ باوەڕەكانیان
ڕزگاریانی كردووەو ڕەحمەت بووە بۆیان ودادپەروەری بڵاو كردۆتەوە لە
نێوانیاندا، نەك ئەوەندە بەڵكو كاتێك داگیر كەران ووڵاتە موسڵمانەكانیان
داگیر كردووە وهاتوونەتە ناوی یەوە لە پاش تێكەڵ بوونیان لەگەڵ موسڵماناندا
دەبینین سوپای داگیر كەرانیش موسڵمان بوونە، كە ئەمە شتێكی بێ وێنەیە لە
مێژووی مرۆڤایەتیدا كە سوپای داگیركەر بۆ داگیر كردن ‌وكوشتن ‌وبڕین
‌وتاڵانی هاتووە بەڵام لە پاش ئەوەی ئیسلامیان بۆ دەردەكەوێت موسڵمان دەبن،
دیارترین بەڵگە لەسەر ئەمە سوپای مەغۆل ‌و تەتار كە لە ساڵی 656ز شاری
بەغدادیان داگیر كرد بە خراپترین ودڕندەترین شێواز كوشتاری خەڵكیان كرد، تا
لە كەلە سەری زانایان منارەیان بەرز كردەوە، وە هەموو پەرتووكە
بەنرخەكانیان كردە ناو ڕووباری دیجلەوە تا ڕەنگی ئاوەكە گۆڕا، وە لە هەندێ‌
شوێنەوە ئەوەندە پەرتووكیان هەڵدابوە ناو ئاوەكە تا خەڵكی دەیانتوانی وەكو
پرد لەسەری بپەڕێنەوە، خەلافەتیان ڕووخاندو شارستانی خەلافەتی ئیسلامیان
لەناو برد، ئەوەی لە دەستیان هات لە كوشتن ‌وخراپە وئاشوب كردیان كە لێرەدا
بواری باس كردنی نی یە، بەڵام ئەوەی سەیرە ئەوەیە كە لەپاش چەند ساڵێكی
كەم ئەم سوپا بێ‌بەزەیی یە وێرانكەرە داگیركەرە دڕندەیە بە خۆی وزۆربەی
سەركردەكانیشیەوە موسڵمان بوون ‌و هاتنە ناو ئیسلامەوە.
كە ئەمەش زەبرێكی تر لەو كەسانە دەدات كە دەڵێن ئیسلام بە زەبرو زۆری شیرو تیر بڵاوبۆتەوە!!!.
كوا شیرو كوا تیر لە پاش ڕووخاندنی خەلافەت ‌و لەناوبردنی ‌و وێرانكردنی بە
ویست‌و ئارەزووی خۆیان موسوڵمان بوون كێ‌ دەیتوانی لەو سەردەمەدا زۆر لە
سوپای تەتەر بكات؟!!.
[نۆیەم] :
ئەگەر ئەو ووڵاتانەی كە فەتحی ئیسلامیان پێ‌ گەیشتووەو موسڵمان بوونەو
موسڵمان بوونەكەیان بەویستی خۆیان نەبوایە وبە زۆر بوایە ئەوا دەبوایە لە
پاش نەمانی خەلافەتی ئیسلامی‌و هێزو دەسەڵاتی موسڵمانان پاشگەز
ببونایەتەوە، چونكە كەسێك كە بە زۆر شتێكی پێ‌ بكرێت هەر كە زۆرەكە نەما
ئەوا یەكسەر واز لەو شتە دێنێت كە بە زۆر پێی كراوە، بۆ نمونە كەسێك كە
بەند دەكرێت هەر كە بوارێكی بۆ ڕەخسا یەكسەر هەڵدێت‌و ڕادەكات ‌وخۆی دەرباز
دەكات، گەلان ‌ومیللەتانیش ئەگەر بە قسەی ئەو كەسانە بێت كە ئیسلام بە زۆر
بڵاوبۆتەوە دەبوایە ئێستا لە ئیسلام پاشگەز ببوونایەتەوە، بەڵام ئەم شتە
نابینین بەڵكو پێچەوانەكەی ڕاستە!!! ئەو گەل ‌ونەتەوە و ووڵاتانەی كە
ئیسلام بوونە تا ئێستایش موسڵمانن ‌و شانازی دەكەن بە ئیسلام
وموسڵمانێتێكەیانەوە، چونكە ئیسلام گفتوگۆ لەگەڵ عەقڵدا دەكات ‌وقەناعەت
بەخەڵكی دەكات، بۆیە هیچ ئایین ‌وبەرنامەیەكی وەكو ئیسلام دادپەروەریان بە
خۆیانەوە نەبینیووە.
نەك هەر ئەوەندە بەڵكو زۆرێك لە موسڵمانان لە جیهاندا چەوسێنراونەتەوەو
ئاوارەو دەربەدەر كراون لە لایەن كاربەدەستانی بێ‌ باوەڕەوە و ویستراوە بە
زەبرو زۆری ئاسن وئاگر وایان لێ‌ بكەن تا لە ئیسلام پاشگەز ببنەوە، بەڵام
موسڵمانان وەكو شاخ دامەزراو بوونەو خۆڕاگر بوونە بەرامبەر هەر زوڵم‌و
ستەمێك كە لێیان كرابێت وبەردەوام بوونە لەسەر ئایینە پیرۆزەكەیان، بۆ
نمونە لە یەكێتی سۆڤێتی پێشوو زیاتر لە (30)ملیۆن موسڵمانی تێدا بووە
جۆرەها جەنگیان دژ ئەنجام دراوەو خوێندنی ئیسلامیان لێ‌ قەدەغە كراوەو
مزگەوتەكانیان لێ‌ داخراوە، تا زیاتر لە (20)هەزار مزگەوتیان داخستووە، نەك
هەر ئەوەندە بەڵكو كراون بە ناوەند بۆ زۆر ئیش‌و كاری نزم‌و بێ‌ ڕێز، وە
خەڵكی چەوسێنراونەتەوە‌و سزا دراون‌و بێ بەش كراون ودورخراونەتەوە لە هەموو
جۆرە مافێكی ئاسایی خۆیان بە بەرچاوی رێكخراوەكانی مافی مرۆڤــ ‌و بانگەشە
كەرانی ئازادی‌و سەربەستی!!!.
بەڵام موسڵمانان دامەزراو بوونە ئامادە بوونە كە دەستبەرداری هەموو شتێكیان
ببن لە پێناوی پارێزگاری كردن لە ئیسلام، هەربۆیە تا ئێستایش ئیسلام
لەناویاندا ماوەتەوە ولەپەرە سەندندایە وشانازی دەكەن بە ئیسلامەوە، ئەگەر
ئەم نەتەوە و میللەتانە كاتی خۆی بە زەبرو زۆری شمشێر موسڵمان كرابێتن ئەوا
دەبوایە لە پاش نەمانی ئەو زەبرو زۆرە وازیان لە ئیسلام بهێنایە، بەڵام
ماڵ ‌و سامان وگیانیان كردووە بە قوربانی ئایینە شیرین ‌وخۆشەویستەكەی
ئیسلام، كە ئەمەش دەم كوت كردنیكی ترە بۆ ئەو كەسانەی كە دەڵێن ئیسلام بە
زەبرو زۆری شیرو تیر بڵاوبۆتەوە!!!.
هەروەها لە ووڵاتی هیند زیاتر لە(111)ملیۆن موسڵمانی تێدایەكە ئەمانیش
ڕووبەڕووی زۆر نەهامەتی‌و چەوساندنەوەو كوشتن‌و بڕین‌و پێشێل كردنی
مافەكانیان دەبن لە لایەن هیندۆس ‌وبوزی ومانگا پەرستەكانەوە، وە
مزگەوتەكانیان بە بەرچاوی هەموو جیهانەوە دەڕوخێنن كە ناودارترین و كۆنترین
مزگەوتیان لە هیند ڕووخاند كە مزگەوتی (بابری) بوو، ئەمانیش سەرەڕای ئەو
زوڵم ‌و ستەمەی كە لێیان دەكرێت واز لە ئایینی پیرۆزی ئیسلام ناهێنن ‌ودەست
بەرداری نابن، وە هەمان پرسیار ئاراستەی ئەو كەسانە دەكەینەوە و پێیان
دەڵێین: ئەگەر بە زەبرو زۆری شمشێر موسڵمان بوونە بۆچی ئێستا ئەو هەموو
زوڵم ‌وستەم ‌وچەوساندنەوەیە قەبوڵ دەكەن لە پێناوی ئیسلامدا و بۆ دەست
بەرداری ئیسلام نابن؟؟!! خۆ ئێستا بە پێچەوانەوەیە زەبرو زۆری شمشێریان
لەسەرە كە واز لە ئیسلام بهێنن؟!!!!.
وە نموونەی تری لەو شێوازە زۆرە وەكو: بۆسنە وهەرسك ‌وكۆسۆفۆ ‌وپێشتریش
ئەندەلوس كە خەڵكەكەی خراپترین سزا دەدران لەسەر ئەوەی كە موسڵمان بوونە،
بەڵام كوشتنیان هەڵدەبژارد بەسەر پاشگەز بوونەوە لە ئیسلام، كە ئەمەش
بەڵگەیەكی ترە لەسەر پوچەڵی ‌و بەتاڵی ئەو تۆمەتەی كە دەیدەنە پاڵ ئیسلام.
[دەیەم] :
زەبرو زۆرو كوشتن وبڕین وترساندن وتۆقاندن وهەڕەشە وستەم هەمیشە پیشەی
بێ‌باوەڕان وكافران بووە گەر دەسەڵاتیان بووبێت نەك پیشەی ئیسلام، ئیسلام
كاتێك لە لووتكەی دەسەڵاتدا بووە لێبوردە ولێخۆش بوو بووە، وتۆڵەی لەو
كەسانە نەسەندووە كە هەموو هەوڵ وتوانایەكیان خستبووە گڕ بۆ دژایەتی كردنی
ئیسلام و لەكاتی دەسەڵاتیاندا موسڵمانانیان دەچەوساندەوە بە خراپترین
شێواز، وەهیچ هۆكارێكی خراپە نەما كە نەیگرنە بەر دژی ئیسلام وموسڵمانان،
بەڵام كاتێك كە بكەوتنایەتە ژێردەستی موسڵمانانەوە جگە لە لێخۆش بوون
ولێبوردن وئازاد كردن هیچ شتێكی تریان بەرامبەر نەدەكرا، دیارترین نمونە
لەسەر ئەم شتە كافرەكانی مەككە بوو كە كاتێك بەدەسەڵات بوون جۆرەها زوڵم
وستەمیان لە موسڵمانان دەكرد وبە خراپترین شێوە سزایان دەدان لەسەر ئەوەی
كە موسڵمان بوونە، وەهەموویانیان دەربەدەر وئاوارە كرد، دەستیان گرت بەسەر
هەموو ماڵ و سامانێكیاندا، بەڵام كاتێك كە موسڵمانان باڵادەست بوون وفەتحی
مەككەیان كرد وكەوتنە ژێر دەستی موسڵمانانەوە خۆیشیان ئەو شایەتی یەیان دا
كە پێغەمبەر(صلى الله عليه وسلم) جگە لە چاكەو لێبووردن هیچ شتێكی تری لێ‌
ناوەشێتەوە كاتێك كە پرسیاری لێ‌ كردن چاوەڕێی چ شتێكم لێ‌ دەكەن؟ ئەوانیش
هەموو بەیەك دەنگ ووتیان: برایەكی بەڕێزیت وتەنها چاوەڕێ‌ ی چاكەو لێخۆش
بوونت لێ‌ دەكەین، ئەویش هەموو خەڵكەكەی ئازاد كرد و تۆڵەی لێ‌ نەسەندن.
[یانزەیەم] :
ئەگەر تەماشایەكی ئەو جەنگانە بكەین كە لە پێش ئیسلام وپاش ئیسلامدا
بەرپاكراوە لەلایەن بێ‌باوەڕانەوە دەبینین زۆربەیان لەسەر شتی هپچ و كەم
وبێ‌ نرخ بووە، یان شایانی ئەوە نەبووە كە جەنگی لەسەر هەڵبگیسرێنێت، بەڵام
جەنگی گەورە گەورەیان لەسەر بەرپا كردووە، جاری وا هەبووە لە پێش ئیسلامدا
جەنگێك نزیكەی (40) چل ساڵی خایاندووە لەسەر كوشتنی سەگێك، یاخود لەسەر
تیر دان لە گوانی وشترێك، وەكو جەنگی (الداحس والغبرا‌ء) لە نێوان(عبس
وذبیان) دا، یاخود هەردوو جەنگی جیهانی یەكەم ودووەم كە زیاتر لە
(10000000) دە ملێون كەس بوون بە قوربانی، وچەندەها وڵات كاول كرا وبە
ملێونەها خەڵكی تر ماڵ وێران كرا، وە ئەو جەنگانەی تریش كە لەم سەردەمەی
خۆماندا روودەدەن زۆریان لەسەر شتی بێ‌ مانا وبەرژەوەندی وڵاتێكە، بەڵام
ئەوان هەموو ئەمانەی خۆیان لێ‌ دیار نی یەو رەخنە لە ئیسلام دەگرن بۆ ئەوەی
خەڵكی سەرقاڵ بكەن وتاوانەكانی ئەوانیان لە یاد نەمێنێت ورووی رەخنە
گرتنیان ئاراستە نەكەن.
[دوانزەیەم] :
پرسیار لەو كەسانە دەكەین كە سینگی خۆیان دەكوتن ودەگرین بۆ ئەوەی كە
ئیسلام بڵاوبۆتەوە وجێگەی ئایین وبیروباوەڕە پوچەڵەكانی تری گرتۆتەوە پێیان
دەڵێین: ئایا بە هاتن وبڵاوبوونەوەی ئیسلام چ شتێك بەرپا بوو، وە چ شتێك
نەما ولەناو چوو؟!
ئەگەر بێتوو وەكو نمونە دورگەی عەرەبی وەربگرین كە سەرەتا بانگەوازی ئیسلام
لەوێوە بڵاو بووەوە، دەبینین ئیسلام ئەم گۆڕانكاری یانەی تێیاندا دروست
كرد بە ماوەیەكی كاتی دیاری كراو:
1- گۆڕینی عەرەبی دڕندەی بت پەرستی بێ‌باوەڕ بۆ عەرەبی موسڵمانی یەكخواپەرستی شارستانی.
2- زاڵا بوون بەسەر دزی ورێگری وتاڵانی وگۆڕینی بۆ هێمنی وئارامی ئاسایش.
3- گۆڕینی رق وكینەو دژایەتی وشەڕ وئاژاوە بۆ برایەتی وخۆشەویستی
4- گۆرینی چەوسانەوە وتاكڕەوی بۆ راوێژ وپرس وڕا.
5- نەهێشتنی بەدڕەوشتی وداوێن پیسی ورەوشت وئاكاری نزم وخراپ، وگۆڕینی بۆ
دەم پاكی ودەست پاكی وداوێن پاكی وئاكار وخوڕەوشتی جوان وبەرز.
6- نەهێشتنی پارچە پارچەیی وجیاوازی وپەرتەوازەیی وگۆڕینی بۆ یەك كیان وبوون ودەسەڵاتێكی بەهێز.
ئیتر نازانم بۆچی كەسانێك تا ئێستا رەخنە لە ئیسلام دەگرن؟! ئایا چ شتێكی
باش وچاك هەبووە وئیسلام نەیهێشتووە؟! یاخود ئەو كەسانە چاویان بەو هەموو
گۆڕان وچاكانەی ئیسلامدا هەڵا نایات ونایبینن؟!
داواكارم لە خوای گەورە ڕێنمایی ئێمەو ئەو كەسانەیش بكات بۆ ئیسلام بەبەڵگە
ولێكۆڵینەی زانستی دور لە دەمارگیری وچاولێكردن ولاسایی كردنەوەی كوێرانە.
وصلى الله وسلم على نبينا محمد وعلى آله وصحبه أجمعين.

ba8







 الموضوع الأصلي : ئایا ئیسلام بە زەبر و زۆری شیرو تیر بڵاو بۆتەوە؟!! // المصدر : منتدياتحلبجةنت // الكاتب: ibn islam




 

  
2011-10-17, 08:25
رسالة
بيانات كاتب الموضوع
ئایا ئیسلام بە زەبر و زۆری شیرو تیر بڵاو بۆتەوە؟!!
المعلومات
الكاتب:
اللقب:
به ڕێوه به ری گشتی
الرتبه:
به ڕێوه به ری گشتی
الصورة الرمزية
 

البيانات
عدد المساهمات : 227
تاريخ التسجيل : 02/02/2011
 
 

 

التوقيت

الإتصالات
الحالة:
وسائل الإتصال:


لتواصل معنا عبر
الفيس بوك:
تويتر:
مُساهمةموضوع: رد: ئایا ئیسلام بە زەبر و زۆری شیرو تیر بڵاو بۆتەوە؟!!    






:***:






 الموضوع الأصلي : ئایا ئیسلام بە زەبر و زۆری شیرو تیر بڵاو بۆتەوە؟!! // المصدر : منتدياتحلبجةنت // الكاتب: emran




 


  
مواقع النشر (المفضلة)
 


  
الــرد الســـريـع
 


  
خــدمات المـوضـوع
 KonuEtiketleri كلمات دليليه
ئایا ئیسلام بە زەبر و زۆری شیرو تیر بڵاو بۆتەوە؟!! , ئایا ئیسلام بە زەبر و زۆری شیرو تیر بڵاو بۆتەوە؟!! , ئایا ئیسلام بە زەبر و زۆری شیرو تیر بڵاو بۆتەوە؟!! ,ئایا ئیسلام بە زەبر و زۆری شیرو تیر بڵاو بۆتەوە؟!! ,ئایا ئیسلام بە زەبر و زۆری شیرو تیر بڵاو بۆتەوە؟!! , ئایا ئیسلام بە زەبر و زۆری شیرو تیر بڵاو بۆتەوە؟!!
 KonuLinki رابط الموضوع
 Konu BBCode BBCode
 KonuHTML Kodu HTMLcode
إذا وجدت وصلات لاتعمل في الموضوع او أن الموضوع [ ئایا ئیسلام بە زەبر و زۆری شیرو تیر بڵاو بۆتەوە؟!! ] مخالف ,, من فضلك راسل الإدارة من هنا
 

>




  

مواضيع ذات صلة