Forums
  

  
 

  
أهلا وسهلا بك إلى منتديات حلبجةنت.
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
 

الرئيسيةالبوابةمكتبة الصورس .و .جبحـثالتسجيلدخول
أختر لغة المنتدى من هنا

پێش ئەوەی پاپۆڕەكە نوقم بێت

  
 
شاطر
 
  
2012-04-27, 13:25
رسالة
بيانات كاتب الموضوع
پێش ئەوەی پاپۆڕەكە نوقم بێت
المعلومات
الكاتب:
اللقب:
عضوجديد
الرتبه:
عضوجديد
الصورة الرمزية
 

البيانات
عدد المساهمات : 2
تاريخ التسجيل : 27/04/2012
 
 

 

التوقيت

الإتصالات
الحالة:
وسائل الإتصال:


لتواصل معنا عبر
الفيس بوك:
تويتر:
مُساهمةموضوع: پێش ئەوەی پاپۆڕەكە نوقم بێت    






بسم الله الرحمن الرحیم
الحمد لله رب العالمين والصلاة والسلام على نبينا محمد وعلى آله وصحبه أجمعين ومن تبعهم بإحسان الى يوم الدين،
لەپاشاندا:
نوعمانی كوڕی بەشیر ڕەزاى خواى لێ بێ لە پێغەمبەرەوە صلى الله عليه وسلم بۆمان دەگێڕێتەوە كە فەرموویەتی:(مثل القائم في حدود الله والواقع فيها كمثل قوم استهموا على سفينة، فصار بعضهم أعلاها، وبعضهم أسفلها، فكان الذين في أسفلها إذا استقوا من الماء مروا على من فوقهم، فقالوا: لو أنا خرقنا في نصيبنا خرقا ولم نؤذ من فوقنا، فإن تركوهم وما أرادوا هلكوا جميعا، وإن أخذوا على أيديهم نجوا ونجوا جميعا) (صحيح الترغيب والترهيب: المجلد الثاني، كتاب الحدود وغيرها، الترغيب في الأمر بالمعروف والنهي عن المنكر والترهيب من تركهما والمداهنة فيهما:2309).
واتە/ وێنەی ئەو كەسەی كە پارێزەری سنوری قەدەغەكراوەكانە، وە ئەوەی كە سنورەكەی بەزاندووەو تێپەڕاندووە، وەك كۆمەڵێك وان كەلەسەر پاپۆڕێك بن كە دوو قات بێت، لەناو خۆیاندا تیرو پشك ڕابكێشن، هەندێكیان لەسەرەوە بن وهەندێكیان لە خوارەوە، ئەوانەی لەخوارەوە بوون ئەگەر ئاویان بویستایە ئەهاتنە سەرەوە ئاویان دەبرد،لەناو خۆیاندا ووتیان: ئەگەر بێت وئێمە لەبەشەكەی خۆمان لەژێرەوە پاپۆڕەكە كون بكەین بۆ ئەوەی ئەوانەی سەرەوە ئەزیەت نەدەین باشترە، لەو كاتەدا ئەگەر ئەوانەی سەرەوە وازیان لێ‌ بهێنن بۆ ئەوەی پاپۆڕەكە كون بكەن هەموویان ئەخنكێن، وەئەگەر دەستیان بگرن هەموویان ڕزگاریان دەبێت.
بەڕاستی نموونە هێنانەوە بۆ نزیك كردنەوەی تێگەیشتنە، بۆیە ئەگەر فەرمان بەچاكە وقەدەغەكردنی خراپە كۆمەڵێك لەناو كۆمەڵگەدا پێ‌ ی هەڵنەسن، ئەوانزیكە ئەو كۆمەڵگەیە بەهیلاك بچن هەروەك چۆن ئەوانەی ناو پاپۆڕەكە دەستی نەفامەكان نەگرن وڕێنمونیان نەكەن بۆ چاكەكاری ووازهێنان لە خراپە ئەوە پاپۆڕەكە نوقم دەبێت.
لەم سەردەمەیشدا ئاشكرایە هەستی ئوممەتی محمد صلى الله عليه وسلم بەئەركی سەرشانی بەرامبەر ئەو هەموو بێ‌ شەرعییانەی كە ڕۆژانە دەكرێت زۆر سست وخاوە، هەروەك بڵێ‌ی بابەتی دین پارێزی ئەوان ناگرێتەوە.
بەڵام كاتێك ژیانی ڕۆژانەیان تێك بچێت هەست دەكەن...
ئەگەر لەكاتی ژن هێناندا ڕەشبەڵەك نەكرێت..
ئەگەر لەكاتی تەعزیەدا مەراسیمی تایبەت نەكرێت...
ئەوا بارودۆخەكە دەشڵەژێنن و....
بەپێچەوانەوە ئەگەر نوێژی جەماعەت پشت گوێ‌ بخرێت...
ئەگەر غەیبەت كردن ودوو زمانی بڵاو بێت...
ئەگەر زوڵم و ستەم گۆی زەوی پڕ بكات..
ئەگەر مافی خزمایەتی ومافەكانی تر پێشێل بكرێت...
ئەگەر شەرەف وناموس سوكایەتی پێ‌ بكرێت...
ئەگەر حەرامەكان حەڵاڵ بكرێت...
ئەگەر بەدڕەوشتی وسوخواردن بڵاو بێت...
ئەمانەو هەر بێ‌ شەرعییەكی تر بكرێت، كەم كەس پێستی پێ‌ گرژ دەبێت وغیرەت دەیگرێت، ئەمەش نیشانەیەكی شوومە و ئاگاداركەرەوەیەكی سامناكە بۆ هەموو كۆمەڵگە.
جەریری كوڕی عبدالله ڕەزاى خواى لێ بێ دەفەرمێت: گوێم لێ‌ بوو پێغەمبەری خوا صلى الله عليه وسلم دەیفەرموو: (هەر پیاوێك تاوان بكات لەناو كۆمەڵێكدا كە بتوانن بیگۆڕن، بەڵام نەیگۆڕن ئیلا بەو هۆیەوە خوای گەورە سزایان دەدات)(صحيح، رواه أبو داود: 4339).
بابزانین (المعروف) چییە؟ بۆ ئەوەی ئەنجامی بدەین وفەرمانی پێ‌ بكەین، وە(المنكر) چییە؟ بۆ ئەوەی خۆمانی لێ‌ بەدوور بكەین وبەرهەڵستی لێ‌ بكەین.
[پێناسەی (المعروف) و(المنكر):-]
المعروف: لە (المعرفە) وە وەرگیراوە كەلە بنچینەی زمانی عەرەبیدا ناوێكە بۆ ئەو شتەی كەدڵ ئەیناسێت وپێ‌ی دڵنیایە و ئارامە.
وە لە شەرعدا: ناوێكی كۆیە بۆ هەموو ئەو شتانەی كە پەروەردگار خۆشی دەوێت لە گوێڕایەڵی وچاكەكردن لەگەڵا بەندەكانی خوای گەورەدا.
المنكر: لە زماندا: ناوێكە بۆ ئەو شتەی كە نەناسراوە ودەرونی مرۆڤ لێ‌ ی دوور دەكەوێتەوە ولێ‌ ی ناڕازییە، كەواتە دژی (المعروف)ە.
وە لە شەرعدا: ناوێكی كۆیە بۆ هەموو ئەو ئاكارانەی كە لەشەرع وعەقڵدا بە خراپ دانراوە چ سەرپێچی خوای گەورە بێت یان ستەم كردن بێت لەبەندەكانی.
لێرەوە دوو شتمان بۆ دەردەكەوێت:
[یەكەم:] پێوەر لە زانینی چاكەو خراپە عورف وعادەتی خەڵكی و ئەو داب ونەریتە داهێنراوانە نی یە كەخەڵكی خۆیان دایان هێناوە...چونكە داب ونەریتی خەڵكی زەوق وهەواو ئارەزوو كاری تێ‌ دەكات، هەر یەك بەجۆرێك... چەندەها عادەت هەیە پێچەوانەی بەڵگە شەرعییەكانن...چونكە شەیتان كردەوەكانیان بۆ دەڕازێنێتەوە!وەك سفوری وتێكەڵی وخەڵوەت و سوخواردن...هتد.
لەمانەیش گەورەتر شەیتان چەندەها عیباداتی بۆ ڕازاندونەتەوە كەهیچ بەڵگەیەكی لەسەر نییە دەستیان پێوە گرتووە وشەڕیشی لەسەر دەكەن، بۆیە لەناو موسڵماناندا چەندەها مەزهەب وتەریقەت وئەحزاب پەیدا بووە كە بۆتە هۆی لاواز بوونیان. خوای گەورە دەفەرمێت: [ قُلْ هَلْ نُنَبِّئُكُمْ بِالْأَخْسَرِينَ أَعْمَالًا الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا] (الكهف / 103-104).
واتە/ ئەی پێغەمبەر پێیان بڵێ‌: ئایا لە زەرەرمەندترین خەڵكی ئاگادارتان بكەم كێن؟ كەسانێكن كەتێكۆشانیان لە دونیادا لەناو چووە، بەڵام وادەزانن كاری چاك دەكەن.
بۆیە پێویستە ئەو داب ونەریتانەی كە خەڵكی لەسەرین بخرێنە ناو تەرازوی بەڵگە شەرعییەكانەوە....ئەوەی بە گوێرەی حەق بوو وەر بگیرێت، وەئەوەی پێچەوانەی حەق بێت ڕەت بكرێتەوە.
[دووەم:] ئەصڵ وبنچینە لەكۆمەڵگەی موسڵماناندا ئەوەیە كەچاكە بناسن وپێ‌ی ڕازی بن وبانگەوازی بۆ بكەن، وە بەرهەڵستی خراپە بكەن وخەڵكی لێ‌ ئاگادار بكەنەوە.
ئەگەر وابوو ئەوە كۆمەڵگەیەكی بیرو باوەڕ ڕاستە وهزری دروستە وتێ‌گەیشتووە.
عبدالله ی كوڕی مسعود ڕەزاى خواى لێ بێ دەفەرمێت: (ما رآه المسلمون حسناً فهو عندالله حسن، وما رآوه سيئاً فهو عندالله سيء) (حسنه الشيخ الألباني موقوفاً في شرح العقيدة الطحاوية: 530).
واتە/ ئەوەی موسڵمانان – بەتێكڕایی- بەباشی بزانن ئەوە لای پەروەردگاریش باشە، وە ئەوەی موسڵمانان بە خراپی بزانن ئەوە لای پەروەردگاریش خراپە.
بەڵام ئەگەر وا نەبوو تەرازووەكان هەڵاوگێڕ بوون، چاكەیان بە خراپە دەزانی وخراپەیان بە چاكە دەزانی، ئەوە ئەو كۆمەڵگەیە بیروباوەڕی تێك چووە وتێگەیشتنی خوارە.
[كێ‌ كاری بانگەوازی دەكات؟]
یاخود با بڵێین كێ‌ هەڵدەستێت بەفەرمان كردن بەچاكەو قەدەغەكردنی خراپە؟
لەبەر ئەوەی كە بانگەواز كردن كارێكی جیهانگیرییە پێویستە خەڵكی تایبەت هەبن شارەزا بە بنەماكانی، بەتوانابن لەبەرەنگاری فێڵی دوژمنانی بەشەوو بەڕۆژ.
بەڵام لەگەڵ ئەوەیشدا هەموو موسڵمانێك لە سنوری توانای خۆیدا لەهەر شوێنێك بێت بەرپرسیارە ئەگەر بێتو ئەم مەرجانەی تیادا هاتەدی:
1- زانیاری دەربارەی فەرمان پێكراو وقەدەغە لێكراو، بۆ ئەوەی نەبێتە بانگەواز كار بۆ خراپەیەك یان بیدعەیەك بەبێ‌ ئەوەی خۆی هەست بكات.
2- نەرم ونیانی بۆ ئەوەی سەرنجی دڵان ڕابكێشێت.
3- ئارام گرتن كە یارمەتی دەر بێت بۆ گەیشتنی ئامۆژگارییەكەی بۆ جێ‌ی خۆی.
* هەموو موسڵمانێك بەرپرسیارە لە فەرمان كردن بەچاكەو بەرهەڵستی كردن لە خراپە بە گوێرەی ئەم بەڵگانەی خوارەوە:
1- خوای گەورە دەفەرمێت: [ وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ] (التوبة / 71).
واتە/ پاوان وژنانی بڕوادار دۆست وپشتیوانی یەكترن فەرمان بە چاكە دەكەن وبەرهەڵستی لە خراپە دەكەن.
2- پێغەمبەر صلى الله عليه وسلم دەفەرمێت: (إن الدين النصيحة)، قلنا لمن يا رسول الله؟ قال: (لله ولكتابه ولرسوله ولائمة المسلمين وعامتهم) (صحيح الترغيب والترهيب: المجلد الثاني، كتاب البيوع وغيرها، الترغيب في الاكتساب بالبيع وغيره).
هاوەڵان رضي الله عنهم پرسیاریان كرد لە پێغەمبەر صلى الله عليه وسلم دەربارەی ئامۆژگاری بۆكراوەكە نەك ئامۆژگاری كەرەكە، چونكە باوەڕیان دامەزراوە لەسەر ئەوەی كە ئامۆژگاری كردن واجبە.
3- پێغەمبەر صلى الله عليه وسلم دەفەرمێت: (بلغوا عني و لو آية...)(صحيح الجامع الصغير: 1/2837)
واتە/ لە منەوە ئەگەر تەنها یەك ئایەتیش بێت ڕایبگەیەنن.
ئیمام ئیبن حزم دەفەرمێت: (فەرمان بە چاكە و قەدەغەكردن لەخراپە واجبە لەسەر هەموو موسڵمانێك، ئەگەر توانی بەدەستی ئەگەر نا بە زمانی ئەگەر نا بە دڵی، وە ئەمەیشیان لاواز ترین ئیمانە ئەگەر نەیكات ئیمانی نییە)(المحلى: 9/ 361)..
بۆیە.... موسڵمان عەفو ناكرێت توانای هەرچەندە بێت چونكە وەسیلەكان زۆرن ئەگەر نا، ئەگەر بە دڵیش نەیكات ئەوا دیارە هیچ هەستی نییە ودڵی خاڵییە لەهەست كردن بەوەی كە یەكێكە لەم ئوممەتە. بۆیە بەخیلی دەكات بە فەرمان كردن بە چاكە وقەدەغە كردنی خراپە تەنانەت بە دڵیش.
[بەرپرسیاری زانایان:]
لەگەڵ ئەوەی گەیاندنی ئەم دینە هەمووان تیایدا هاوبەشین...بەڵام بەشی زۆری ئەم ئەركە لەسەر شانی زانایانە، خوای گەورە دەفەرمێت: [ وَتَرَى كَثِيرًا مِنْهُمْ يُسَارِعُونَ فِي الْإِثْمِ وَالْعُدْوَانِ وَأَكْلِهِمُ السُّحْتَ لَبِئْسَ مَا كَانُوا يَعْمَلُونَ لَوْلَا يَنْهَاهُمُ الرَّبَّانِيُّونَ وَالْأَحْبَارُ عَنْ قَوْلِهِمُ الْإِثْمَ وَأَكْلِهِمُ السُّحْتَ لَبِئْسَ مَا كَانُوا يَصْنَعُونَ] (المائدة/ 62-63)
واتە/ تۆ ئەی پێغەمبەر صلى الله عليه وسلم دەبینی زۆرێك لەوان- دووڕووەكان وجولەكەكان- پەلە دەكەن لە گوناە وتاوان كردن – هاوەڵ دانان، درۆ، حەرام خواردن- و دەست درێژی كردن چەند خراپە ئەو كردەوەیەی كە دەیكەن، بۆچی ڕەبانی وئەحبارەكان لەقسەی تێكەڵ بە حەرام نەهی ناكەن ونایان گێڕنەوە؟ چەند خراپە ئەو كارەی لەسەری ڕاهاتوون.
ئیمامی شەوكانی لەسەر ئەم دوو ئایەتە دەفەرمێت: (پەروەدگار سەرزەنشتی زانایانی كرد ئەوانەی فەرمان بەچاكەو نەهی لەخراپە ناكەن بە توندو تیژتر لەسەرزەنشتی بكەری تاوانەكان.
دەبا زانایانی موسڵمان گوێیان بكەنەوە بۆ ئەم ئایەتە... وە دڵی پێ‌ بدەن چونكە لەم ئایەتەدا بەڕوون وئاشكرا پێیان دەڵێت: كەوازهێنیان لەتاوان لەگەڵ وازهێنانیان لە نەهی كردن لەتاوان كردن هیچ سودێكی بۆیان نییە، بەڵكو حاڵیان وسەرەنجامیان لەتاوانكاران خراپ تر دەبێت.
چونكە(لَبِئْسَ مَا كَانُوا يَصْنَعُونَ).
واتە/ بە ئەنقەست بێ‌دەنگ بوونە: كەدەبێتە تاوانێك هەموو ئەركەكانی تاوانی تیادا پەیدا بوو.
بەڵام تاوانبار لەساتێكی لاوازیدا لە ڕێ‌ لادەدات بۆیە وەصفی (انحراف)ەكەی (لَبِئْسَ مَا كَانُوا يَصْنَعُونَ وەصف كراوە چونكە(عمل) ناكات بە(صنع) تاوەكو خاوەنەكەی خۆی لەسەری ڕانەهێنێت، بۆیە دەوترێت (سیف صنیع) ئەگەر بەكارامە دروست كرابێت.
لێرەوە ئەركی سەرشانی زانایان زیاترە بۆیە پێویستە غیرەتیان بجوڵێت بۆ پاراستنی سنوری حەرامەكان، بە حوكمی ئەوەی كە ئەوان سەركێشی ناو جەماوەرن.
بەڵام بانگەوازی كردن كەخۆی لەفەرمان كردن بەچاكەو نەهی كردن لەخراپەدا دەبینێتەوە بەبێ‌ پاسەوان ماوە كە بۆتە هۆی ئەوەی دزەكان چاویان تێبڕیوە! بەڵام خوای گەورە خۆی پارێزەرە.
[سزای وازهێنان لەفەرمان بە چاكە و نەهی كردن لەخراپە:]
هەر كۆمەڵگەیەك واز لەم كارە پیرۆزە بهێنێت سزای جۆراو جۆری توش دەبێت، لەوانە:
1- لەناو چوونی گشتی:
ابوبكری صدیق ڕەزاى خواى لێ بێ دەفەرمێت: ئەی خەڵكینە ئێوە ئەم ئایەتە دەخوێننەوە: [ يَا أَيُّهَا الَّذِينَ آَمَنُوا عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ] (المائدة/ 105).
واتە/ ئەی ئەو كەسانەی كە بڕواتان هێناوە ئاگاتان لە خۆتان بێت، ئەگەر ئێوە هیدایەت دراو بن گومڕاكان زیانتان پێ‌ ناگەیەنن.
بەڕاستی من گوێم لە پێغەمبەری خوا صلى الله عليه وسلم بوو دەیفەرموو: [ خەڵكی ئەگەر ستەمكاریان بینی ودەستیان نەگرت نزیكە خوای گەورە سزایەك بۆ هەموویان بنێرێت لای خۆیەوە] (صحيح، رواه أبوداود: 4338).
عومەری كوڕی عبدالعزیز (ڕەحمەتی خوای لێ‌ بێت) دەفەرمێت: (دەڵێن: پەروەردگار سزای هەمووان نادات بەهۆی تاوانی چەند كەسێكەوە، بەڵام ئەگەر تاوان بە ئاشكرا بكرێت هەموویان شایستەی سزای خوای گەورەن)(رواه مالك في الموطأ).
2- دووبەرەكی وپارچە پارچە بوون:
ئاشكرایە كۆبوونەوەی خەڵكی لەسەر ئایینەكەیان هۆی یەكێتی ویەك بوونیانە، پەروەردگار دەفەرێت: [ وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ ] (آل عمران/ 104).
پاش ئەوەی پەروەردگار فەرمانی پێمان كرد كە ئوممەتێكی فەرمان بەچاكە وقەدەغەكەری خراپە بین، فەرمووی: [ وَلَا تَكُونُوا كَالَّذِينَ تَفَرَّقُوا وَاخْتَلَفُوا مِنْ بَعْدِ مَا جَاءَهُمُ الْبَيِّنَاتُ وَأُولَئِكَ لَهُمْ عَذَابٌ
عَظِيمٌ] (آل عمران/ 105).
واتە/ ئێوە لەو كەسانە مەبن كە دوو بەرەكییان تێ‌ كەوت وپارچە پارچە بوون دوای ئەوەی كە ئایاتی ڕوونكەرەوەیان بۆ هات، وە ئەو كەسانە سزایەكی زۆر گەورەیان بۆ هەیە.
3- گیرا نەبوونی دوعا وپاڕانەوە:
لە (حذيفة بن اليمان)ەوە ڕەزاى خواى لێ بێ پێغەمبەری خوا صلى الله عليه وسلم فەرموویەتی:(والذي نفسي بيده لتأمرن بالمعروف ولتنهون عن المنكر أو ليوشكن الله أن يبعث عليكم عقابا منه ثم تدعونه فلا يستجاب لكم) (حسنه الشيخ الألباني في صحيح سنن الترمذي: كِتَاب الْفِتَنِ، بَاب مَا جَاءَ فِي الْأَمْڕ بِالْمَعْرُوفِ وَالنَّهْيِ عَنْ الْمُنْكَڕ (2169
واتە/ بەو خوایەی گیانی منی بەدەستە ئەگەر فەرمان نەكەن بەچاكەو نەهی نەكەن لە خراپە ئەوا نزیكە پەروەردگار سزایەكتان بۆ بنێرێت لەلای خۆیەوە لەپاشان ئێوە لێ‌ ی دەپاڕێنەوە بۆ ئەوەی سزاكەتان لەسەر هەڵگرێت ئەویش وەڵامتان ناداتەوە.
4- زاڵ بوونی دوژمنان:
ئەمەیشیان جۆرێكە لەسزای پەروەردگار بۆ ئەوانەی واز لە فەرمان كردن بەچاكەو قەدەغەكردنی خراپە دەهێنن، عبدالله ی كوڕی عومەر (خوایان لێ‌ ڕازی بێت) دەفەرمێت: پێغەمبەری خوا ڕووی تێ‌ كردین و فەرمووی:(يا معشر المهاجرين خمس إذا ابتليتم بهن وأعوذ بالله أن تدركوهن: لم تظهر الفاحشة في قوم قط حتى يعلنوا بها إلا فشا فيهم الطاعون والأوجاع التي لم تكن مضت في أسلافهم الذين مضوا، ولم ينقصوا المكيال والميزان إلا أخذوا بالسنين وشدة المئونة وجور السلطان عليهم، ولم يمنعوا زكاة أموالهم إلا منعوا القطر من السماء ولولا البهائم لم يمطروا، ولم ينقضوا عهد الله وعهد رسوله إلا سلط الله عليهم عدوا من غيرهم فأخذوا بعض ما في أيديهم، وما لم تحكم أئمتهم بكتاب الله ويتخيروا مما أنزل الله إلا جعل الله بأسهم بينهم) (حسنه الشيخ الألباني في: صحيح سنن ابن ماجة،.(4019:كِتَاب الْفِتَنِ، بَاب الْكَفِّ عَمَّنْ قَالَ لَا إِلَهَ إِلَّا الله
واتە/ ئەی گرۆی كۆچكەرەكان پێنج ڕەوشت هەیە ئەگەر توشی بن، وە پەنا ئەگرم بەخوا كە پێ‌ی بگەن:.... چوارەمیان: وە ئەگەر پەیمانی خوا وپێغەمبەرەكەی هەڵوەشێننەوە لەسەرئەنجامدا پەروەردگار دوژمنێك لە غەیری خۆیان زاڵ دەكات بەسەریاندا هەندێك لەو نیعمەتانەی پەروەردگار پێ‌ی بەخشیون لێیان دەسەنێتەوە.
5- بڵاوبوونەوەی ئاژاوەو بشێوی وپەیدا بوونی فاحیشە:
شاراوە نییەبە ئەنجام نەدانی ئەم ئەركە پیرۆزە كە فەرمان بەچاكەو نەهێشتنی خراپەیە ووردە ووردە سێبەری حەق كەم دەبێتەوە... لەبەرامبەردا دواكەوتنی ئارەزووەكان و بەرزبوونەوەی دەنگی گەندەڵی كە هاوار دەكات بۆ بەرەڵایی لە ژێر دروشمی بریقەداردا بەناوی پێشكەوتن وئازادی و...
كێ‌ دەستی ئەوانە دەگرێت؟
كێ‌ نینۆكە درێژەكانیان دەقرتێنێت؟
كێ‌ خەڵكی دەگێڕێتەوە بۆ ڕێگای ڕاست؟ بێداریان دەكاتەوە لەخەوی غەفڵەت؟
بەڕاستی ئەم ئوممەتە ناگەڕێتەوە بۆ چاكەكاری وچاك سازی، وە لەش ساغی بۆ ناگەڕێتەوە تا نەگەڕێتەوە بۆ جێ‌بەجێ‌كردنی فەرمانی پەروەردگاریان، ئەویش بە فەرمان كردن بەچاكە وناڕەزایی دەربڕین لە خراپە.
وصلى الله وسلم على نبينا محمد.وعلى آله وصحبه اجمعين






 الموضوع الأصلي : پێش ئەوەی پاپۆڕەكە نوقم بێت // المصدر : منتدياتحلبجةنت // الكاتب: هيوا




 

  
2012-04-30, 05:20
رسالة
بيانات كاتب الموضوع
پێش ئەوەی پاپۆڕەكە نوقم بێت
المعلومات
الكاتب:
اللقب:
...::|مدير العام|::...
الرتبه:
...::|مدير العام|::...
الصورة الرمزية
 

البيانات
عدد المساهمات : 6825
تاريخ التسجيل : 23/07/2010
 
 

 

التوقيت

الإتصالات
الحالة:
وسائل الإتصال:


لتواصل معنا عبر
الفيس بوك:
تويتر:
مُساهمةموضوع: رد: پێش ئەوەی پاپۆڕەكە نوقم بێت    






ده‌ست خوش بیت كاك هیوا به هیوای به رده وامی






 الموضوع الأصلي : پێش ئەوەی پاپۆڕەكە نوقم بێت // المصدر : منتدياتحلبجةنت // الكاتب: ibn islam




 


  
مواقع النشر (المفضلة)
 


  
الــرد الســـريـع
 


  
خــدمات المـوضـوع
 KonuEtiketleri كلمات دليليه
پێش ئەوەی پاپۆڕەكە نوقم بێت , پێش ئەوەی پاپۆڕەكە نوقم بێت , پێش ئەوەی پاپۆڕەكە نوقم بێت ,پێش ئەوەی پاپۆڕەكە نوقم بێت ,پێش ئەوەی پاپۆڕەكە نوقم بێت , پێش ئەوەی پاپۆڕەكە نوقم بێت
 KonuLinki رابط الموضوع
 Konu BBCode BBCode
 KonuHTML Kodu HTMLcode
إذا وجدت وصلات لاتعمل في الموضوع او أن الموضوع [ پێش ئەوەی پاپۆڕەكە نوقم بێت ] مخالف ,, من فضلك راسل الإدارة من هنا
 

>




  

مواضيع ذات صلة