ibn islam
...::|مدير العام|::...
عدد المساهمات : 6825 تاريخ التسجيل : 23/07/2010
خدمات المنتدى 1431:
| | 100 پرنسیپ | |
100 پرنسیپ
زاراوەكان
Accountantژمێریار: كەسێكە زانیارییە داراییە دیاریكراوەكان بۆ كەسانێك یا بۆ كۆمپانیاكان دەستەبەردەكات .
Acquisitionبەدەستهێنان : دامەزراوەیەكی بازرگانی كەببێتە خاوەنی دامەزراوەیەكی دی ،زۆر جار ئەم زاراوەیە لەتەك ووشەی تێكەڵبوون یان لێكدان merger بەكاردەهێنرێت ،هەروەها هەمیشە لەحاڵەتی تێكەڵبوون و بەدەستهێناندا ناودەبرێت.
Advertising ئاگادارینامە (ڕیكلام):ئەو چالاكییەیە كەبەمەبەستی سەرنج ڕاكێشان بەلای بەرهەمهێنەرێكی تایبەت یادامەزراوەیەكی تایبەت ئەنجام دەدرێت، جا ئەوە لەڕێی ئێستگەوە بێت یاهۆكارە ئەلكترۆنییەكانی دیكەوە.
Angel Investors وەگەڕخەرە لەخۆگرەكان : ئەوكەسانەن كەپشتگیری دامەزراوە بازرگانییە بوێرەكان دەكەن، زۆرجار ئەمەش دەبێتە پردێك بۆ تێپەڕبوونی دامەزراوەكە لەقۆناغی خۆپارە دابینكارەوە بۆ ئاستی دامەزراوەیەكی بازرگانی كەپێویستی بە دەستمایەی بوێری هەیەو كار بۆڕاكێشانی دەكات. لەهەموو حاڵێكیشدا مەودای پارەدابینكردنەكە لەنێوان 50 دۆلار تا 2ملیون دۆلارە.
Appraisalهەڵسەنگاندن
خەمڵاندنێكی فەرمی نرخیشت لەبازاڕیناوخۆدا، هەروەها پێشكەشكردنی وەسفێك سەبارەت بەچۆنێتی ئەنجامدانی خەمڵاندنەكەو ئەو نرخەی كەلەئەنجامدا دەخەمڵێنرێت.
Barter ئاڵوگۆڕ
پرۆسەی گۆڕینی ڕاستەوخۆی كاڵاو خزمەتگوزارییەكان لەنێوان دامەزراوە بازگانیەكاندا.
Business Incubator لانكەی بازرگانی
دابینكردنی شوێنێكی گونجاو بۆ كاركردن وئاگاداریو پشتگیریكردنی ئەوخزمەتگوزارییانەی كەدامەزراوە بازرگانییەكان ئەنجامی دەدەن بەتایبەتی لەقۆناغەكانی سەرەتای دامەزراندندا.
Business Valuation نرخاندنی بازرگانی
خەمڵاندنی نرخی دامەزراوە بازرگانیەكە.
Commissioned Employee فەرمانبەری بریكار
فەرمانبەری فرۆشتەنی كەبەپێی ڕێكەوتن ڕێژەیەك لەنرخی ئەو بەرهەم و خزمتگوزارییانەی دەدرێنێ كەخۆی دەیانفرۆشێت.
Compensation پاداشت
پارە یان هەر جۆرە پاداشتێكی دیكە كەدەدرێت بەفەرمانبەران لەبەرامبەر گرنگیی كارەكەیان یان شێوازی ئەنجامدانیان .
Consumer Direct marketing ڕاستەوخۆ خستنە بازاڕبۆ بەكارهێنەران
جۆرێكە لەجۆرەكانی تۆڕی خستنەبازاڕ كەتیایدا دابەشكەران خۆیان بەكارهێنەرین، واتە دەبێت بەرهەمەكان بكڕن بۆ بەكارهێنانی تایبەتی خۆیان .
Copy right مافی بڵاوكردنەوە
مافی بڵاوكردنەوە جۆرێكە لەجۆرەكانی لایەنی بازرگانیی كارە ئەدەبیو زانستیو هونەریی بڵاوكراوە یان بڵاونەكراوە كەشێوەیەكی مادیی وەبەرچاوی هەیە.
Corporation كۆمپانیایەكی پشكدار
دامەزراوەیەك كەسیستمێكی بنچینەیی هەیەو وەك كەسێتیەكی یاسایی سەربەخۆ ماف و بەرخورداری وئەستوگرتنی تایبەتی خۆی هەیە كەبەدەرە لەو ماف و بەرخورداری لەئەستۆگرتنانەی كەپەیوەندییان بەهاوپشكییەوە هەیە، باشی سەرەكیی كۆمپانیای هاوپشك ئەوەیە كەپارە وەگەڕخەرەكانی دەپارێزێت لەبەرپرسیارێتی لەبەرامبەر هەر زیانێك كەكۆمپانیاكە بیكات.
Due Diligence پشكنینی نەهێشتنی بێئاگایی
كرداری تێبینیكاریو پرس و ڕای تایبەت بەبەدەستهینانی بڕێكی گونجاو لەڕوونكردنەوەی گشت بەڵگەنامە داراییەكان و زانیاریی دیكە كەدەشێت كاربكەنە ئەنجامی پڕۆسەكە.
Efficiency Expert شارەزای تەواو
كەسێك كەئامۆژگاریو شارەزایی پێشكەش بەكۆمپانیا دەكات سەبارەت بەچۆنێتی بەدیهێنانی باشترین ئاستی جۆرێتی بۆ بەرهەمهێنەر بەكەمترین تێچوون یا كەمترین ئەرك.
Entrepreneur دەستپێشخەر
ئەو كەسەیە كەمەترسی دامەزراندنی كارێكی بازرگانی دەگرێتە ئەستۆو ڕێكیدەخات و دەیخاتەگەڕ.
Entrepreneur خاوەن پڕۆژە
ئەوكەسەیە كەپڕۆژەیەك دەستپێدەكات و مەترسیەكانی ئەگرێتە ئەستۆ.
Financial independence سەربەخۆیی دارایی
ڕزگاربوون لەدڵەڕاوكە سەبارەت بەدارایی.
General partnership بەشدارییەكی هاوكۆ
شێوازێكی رێكخستن كەتیایدا هەرهاوپشكێك بەشداریی پرۆسەكانی كارگێڕیو قازانج و زیانەكانی وەگەڕخستن یاكارێكی دیاریكراو دەگرێتە ئەستۆ.
Home Based Business دامەزراوەی كاری ماڵ
دامەزراوەی كاری ماڵ ئەو دامەزراوەیە كەسەنتەرەسەرەكییەكەی ماڵی خاوەنەكەیەتی، ئەم جۆرە دامەزراوانە دەشێت قەبارەی جیاوازو جۆری كاركرنی جیاوازی هەبێت چونكە مەڵبەندەسەرەكییەكەی ماڵی خاوەن كارەكەیە.
Income داهات
هەر داراییو شتومەكێكی نرخداری دیكە كەبەدەستدێت.
Independent Contractor بەڵێندەری سەربەخۆ
ئەو كەسەیە كەكارێ یاپیشەیەك یا بازرگانییەك بەشێوەیەكی سەربەخۆ دەگرێتەدەست تاوەكو خزمەتگوزاری پێشكەش بەجەماوەر بكات و ئەو كەسەش كەپەیوەستنامەی لەتەكدا دەبەستێت تەنیا مافی چاودێری و ئاراستەكردنی ئەنجامەكانی كارەكەی هەیە بێئەوەی چاودێری هۆو شێوازی بەدیهێنانی ئەنجامەكان بكات.
Entrepreneur دەستپَشخەرێكی یاریدەدەر
ئەو كەسەیەكارێك دەكات هاوچەشنی كاری دەستپێشخەرە بەڵام لەچوارچێوەی كۆمپانیایەكی هاوپشكدا .
Investment وەگەڕخستن
كڕینی پشك یاقەواڵە یاخانووبەرە یاشتی نایاب یا ئەو پڕۆژانەی لەكاردان... هتد لەبەرپێشبینی كردنی بەدەستهێنانی داهات یا قازانجی سەرمایە لەداهاتوودا.
Joint Venture دامەزراوەی هاوبەش
دامەزراوەیەكە كەسێتیەكی یاسایی هەیەو لەئەنجامی یەكگرتنی دوو دامەزراوە یان زیاتر پێك دێت كەكارێكی دیاریكراو بەجێدەهێنن ولایەنەكان لەقازانج و زیانەكاندا هاوبەشن .ئەم جۆرەش لەهاوپەیمانێتی ستراتیژی جیاوازە لەو ڕووەوە كە دامەزراوە نوێیەكە یەك كەسێتی یاسایی هەیە.
Limited Liability Company LLC كۆمپانیایبەرپرسیارێتی سنووردار
دامەزروەیەكە كەسێتییەكی یاسایی هەیە كەلەخۆیدا پابەندی باج نییە و قازانجەكان بەسەر خاوەنەكاندا بەشدەكرێت، بەڵام جێو ڕێی كەسێتی دەپارێزێت لەو قەرزانەی كەلەكارەكانەوە دروست دەبن هەروەك ئەوەی كەلەكۆمپانیا هاوبەشەكاندا پەیڕەو دەكرێت.
Limited Partnership هاوبەشییەكی سنووردار
كار رێكخستنێكە كەبەپێی ئەوە هاوبەشێك یان پتر لەهاوبەشەیەكگرتووەكان بۆ خستنەكاری دامەزراوەكە وبەڕێوەبردنی دەستبەكار دەبن ،بەڵام پارەدابینكردن بۆ دامەزراوەكەو كاركردنی لەڕێی هاوبەشەڕاوێژكارەكان (یانادیارەكان)ەوە دەبێت كەبەرپرسیار دەبن لەزیانەكان لەسەر بنەمای ڕێژەی.
Line of Credit هێڵی قەرزپێدان
ئەو قەرزانەی كەدامەزراوە بازرگانییەكان بەدەستی دێنن، بێجگەلەوەی كەقەرزوەرگرەكە سوودنادات تەنیا بۆ ئەو بڕەپارانە نەبێت كەبەشێوەیەكی كارا بەكارهێنراون ودامەزراوەكە ،هەروەك لەكاتی قەرزپێدانەكەدا پەیڕەوكراوە، بەشێوەیەكیكات بۆ دانراو پارەدەدات لەبەرامبەر ئەو بڕپارەیەدا كەهەیە.
Marketing خستنەبازاڕ
برییتیە لەپرۆسەی گەڕان وگەرمكردنی بازاڕی فرۆشتن ودابەشكردنی بەرهەم یاخزمەتگوزارییەكی دیاریكراو. پرۆسەی خستنەبازاڕ مەودایەكی فراوانی كارئەنجامدان دەگرێتەوەوەك بانگەشەو ڕیكلام وبرەوپێدان ونرخدانان وگشت ئەو خزمەتگوزاریانەی پەیوەندییان بەفرۆشتنی ئەو كاڵاو خزمەتگوزارییانەوە هەیە.
Merger یەكگرتن یا(یەكبوون)
لێكدانی دوو كۆمپانیا كەپێشتر هەریەكەیان بۆ خۆی كاری دەكرد. یەكگرتنی ڕاستیش بەمانا یاساییەكەی ئەو كاتە دێتەدی كەهەردوو دامەزراوەكە خۆیان بتوێننەوەو بنەماو پابەندییەكانیان لەكەسێتَیكی تەواو نوێدا دابڕێژنەوە.
Multi Level Marketing MLM خستنەبازاڕێكی فرە ئاست
هەردامەزراوەیەك كەهەر تەنیا داهاتی فرۆشتەنیەكانی خۆی دەستگیرنابێت بەڵكو لەداهاتی فرۆشتەنیەكانی ئەوكەسانەش كەپەیوەستنامەی لەتەكیاندا كردوەو دەشێت ئەوانیش لەتەك كەسانی دیدا پەیوەستنامەیان كردبێت.
Network Marketing خستنەبازاڕی تۆڕبەندی
ئەو دامەزراوەیە كەپێویستی بەتۆڕێكی دابەشكردن هەیە بۆ ئەنجامدانی كاری خستنەبازاڕ، ئەو دامەزراوانەش دامەزراوەی فرە ئاست دەبن.
Networking تۆڕبەندی
بریتییە لەپەرەپێدانی كاروباری بازرگانی لەڕێی پەیوەندی نێوان دامەزراوەبازرگانیەكانەوە ۆ زۆركردنی زانیاریو فراوانكردنی بنكەی كارەبازرگانییەكان، یابۆ خزمەتكردنی كۆمەڵگە. هەروەها ئەم زاراوەیە بۆ پێناسەكردنی پێكەوە بەستنی سیستمی كۆمپیوتەرەكاندا بەكاردەهێنرێت.
Outsourcing بەكارهێنانی سەرچاوەدەرەكیەكان
كڕینی خزمەتگوزارییەكانی وەگەڕخستنی ئاسایی لەدامەزراوەكانی دی، زۆر جاریش ئەوخزمەتگوزارییانەی كەسەرچاوە دەرەكییەكان دابینی دەكەن ئەمانەن: ژمێریاری ،ئامادەكردنی لیستی مووچە،تەكنەلۆجیای زانیاری هەروەها ڕیكلام وشتی دیكە.
Partnership هاوبەشی
جۆرێكە لەدامەزراوە بازرگانیەكان كەتیایدا دووكەس یان زیاتر بەردەوام كاری تیا ئەنجام دەدەن لەپێناوی قازانجدا.زۆرجار كۆمپانیا هاوبەشەكان لەڕووی یاساییەوە بەكۆمەڵێك كەسان دادەنرێن نەك دامەزراوەیەك كە كەسێتییەكی یاسایی خۆی هەبێت. هەرهاوبەشێك لەوكۆمپانیایەدا ئاماژە بەپشكی خۆی لەقازانجەكاندا دەدات كاتێك ڕوونكردنەوە سەبارەت بەباج پێشكەش دەكات.
Patent مافی بەرخورداری
ئەومافی خاوەنێتیەیە كەدەدرێت بەدۆزەرەوەیەك تاوەكو ڕێلەكسانیدی بگیرێت كەئەو داهێنراوە لەماوەیەكی دیاریكراودا دروست بكەن یابەكاریبهێنن یابیفرۆشن، ئەمەش لەبەرامبەر بەئاشكراخستنەڕووی داهێنراوەكە كاتێك بەرخوردارییەكە دەخرێتە كار.
Pension پارەی خانەنشینی
ئەو پارانەیە كەبەشێوەیەكی ڕێك وپێك دەدریتەكەسێك كەگەیشتبێتە تەمەنێكی دیاریكراو یان لەكارەكەی خانەنشین كرابێت.
Planning پلاندانان
شێوازێكی فراوانە كەپێشەكی بۆ بەڕێوەبردنی دامەزراوەیەك ئامادە دەكرێت.
Public Relation پەیوەندییەگشییەكان
برەوپێدانێكی بەپرۆگرام داڕێژراوە بۆ ئەوەی شێوەیەكی دیاریكراوی دامەزراوەكە بدرێت بەدەستەوە. زۆر جار تێكەڵی لەنێوان ئەو برەوپێدانە وڕیكلامدا دروست دەبێت كەلەڕاستیدا ڕیكلام بەشێكە لەوبابەتانەی كە ئەركی پەیوەندییەگشتییەكانە.
Public Relation PR پەیوەندییە گشتییەكان
كاركردنە سەرخەڵك تاوەكو بەجۆرێكی باش بڕواننە كۆمپانیاكە.
Public service خزمەتگوزاریی گشتی
كارەخزمەتگوزارییەكانی حكومەت
Salary مووچە
ئەو پارانەی كەبەشێوەیەكی ڕێك و پێك دەدرێتە كارمەند.
Sales فرۆشتەنی
بریتیە لەگۆڕینەوەی بەرهەم یاخزمەتگوزاری بەپارە. هەروەها ئەم زاراوەیە ئاماژەدانیشە بەوكارەی پەیوەندیی بەوچالاكییەوە هەیە یاخود ئەو بەشەكارگێڕییەی كەلەهەر كۆمپانیایەكدا ئەو كارە ئەنجام دەدات.
Small Business AdministratioSBA بەڕێوەبەرێتی دامەزراوە بازرگانییە بچووكەكان
ئەو ئاژانسەی حكومەتی ویلایەتە یەكگرتووەكاندا كەتایبەتمەندە بەدابینكردنی پرۆگرامەكانی خزمەتگوزاریی تەواو بۆ مەعمیلەكان ودابینكردنی زانیاری وردو تەواو دەربارەی كۆمەڵگەی خاوەن پڕۆژەكان وڕێكخەرانی.
Sole Proprietorship دامەزراوەی تاكەكەسی
دامەزراوەیەكی بازرگانییە تاكەكەسێك خاوەنیەتی ودەیخاتەگەڕ.
Strategic Alliance هاوپەیمانێتی ستراتیژی
پەیوەندییەكی بەردەوامی نێوان دوو دامەزراوەی بازرگانی كەبەهۆیەوە هەوڵەكانیان یەكدەخەن بۆ بەدیهێنانی ئامانجێكی دیاریكراو.
Trademark نیشانەی بازرگانی
جۆرێكە لەجۆرەكانی پاراستنی یاسایی سەبارەت بەو وشەو ناو وهێماو ڕەنگانەی كەكاڵاو خزمەتگوزارییەكان لەهی دی جیادەكەنەوە. نیشانەی بازرگانی بەپێچەوانەی مافی بەرخورداری وداهێنانەوە دەشێت بۆ هەتاهەتایی نۆێ بكرێتەوەو لەكاری بازرگانیدا بەكاربهێنرێت.
Venture Capital VC سەرمایەی مەترسی
جۆرێكە لەپارەدابینكردن بۆ كۆمپانیاكان كەتیایدا دامەزراوەیەكی بازرگانی بەشێك لەمافی خاوەنێتی وبەڕێوەبردنی دامەزراوەكەی تیایدا پێشكەش دەكات لەسنووری كاتێكی دیاریكراودا كەلەنێوان 3 تا 5 ساڵەو بەزۆریش پارەوەگەڕخراوەكان لەنێوان 500000دۆلار تا 5 ملیون دۆلارە، هەرچەندە هەندێك جار ئەو پارە وەگەڕخراوەی سەرمایەی مەترسی دادەبەزێت بۆ 50000 دۆلار یاخود سەرئەكەوێت بۆ 20 ملێون دۆلار.
.destpeshxer.
| |
|