ibn islam
...::|مدير العام|::...
عدد المساهمات : 6825 تاريخ التسجيل : 23/07/2010
خدمات المنتدى 1431:
| | وێنەیەكی سەیر | |
پاشایەك هەبوو، شەل بوو، چاوێكیشی كوێر بوو، ڕۆژێكیان ئەم پاشایە بانگهێشتی هەموو وێنەكێشەكانی وڵاتی كردو لە كۆشكی پاشایەتیدا كۆبوونەوەیەكی لەگەڵدا سازدان، لە كۆبوونەوەكەدا داوای لە هەموویان كرد هەر یەكەو وێنەیەكی پاشا بكێشێت بە مەرجێك عەیبو كەموكوڕییەكانی دەرنەكەوێت لە وێنەكەدا. لێرەدا هەموو وێنەكێشەكان ئەم داواكارییەی پاشایان ڕەتكردەوە، چۆن بتوانن وێنەی پاشا بكێشن بە دوو چاوەوە، لە كاتێكدا پاشا یەك چاوی هەیە؟! ئەی چۆن بتوانن وێنەی هەردوو قاچەكانی بكێشن لە كاتێكدا قاچێكی لەوەی تریان كورتترە؟! لەم كاتەدا هەموویان سەرقاڵی ئەم مشتومڕە بوون، یەكێك لە وێنەكێشەكان وتی: من وێنەكە دەكێشم!! بەڵی هەستا بە وێنەكێشانی پاشا، بەڵام بەڕاستی وێنەیەكی جوانو نایاب دەرچوو، هەموو ئامادەبووان سەرسام بوون، چۆن؟ وێنەی پاشای كێشا، كاتێك پاشا ڕاوەستاوەو تفەنگەكەی بە دەستەوەیە لە كاتی ڕاوكردندایە، دەزانن چۆن؟ وێنەكەی وەها كێشا كە پادشا خەریكە نیشان دەگرێت لە ئاسكێكو قاچە شەلەكەی چەمانۆتەوەو چاوە كوێرەكەی نوقاندووە! دەبا ئێمەش بتوانین وێنەیەكی جوانی بەرامبەرەكەمان بكێشین، هەرچەند عەیبو ناڕێكیەكانیان لەبەرچاو بێتو دیار بێت. هەركاتێك ئێمە توانیمان ئەم وێنەیە بە جوانی نیشان بدەین، ئەوا دەبینە هۆی داپۆشینی شتە ناشیرینو ناڕێكەكان، چونكە پێویستە بزانین هیچ كەس بێ كەمو كورتی نابێت، با هەردەم سەیری نیوە پڕەكەی پەرداخ بكەین، نەك نیوە بەتاڵەكەی. سەرچاوە/ ئینتەرنێت. [b] | |
|